Imaanshaha tababare Graham Potter ee Chelsea oo bedelay shaqadii laga ceyriyay Thomas Tuchel waxay fursad wayn utahay in uu isku muujiyo Christian Pulisic.
Christian Pulisic ayaa ku faraxsan "bilaw cusub" ee Chelsea wuxuuna aqbalay inuu hadda "isku muujiyo" tababaraha cusub Chelsea ee Graham Potter.
24-sano jirkaan ayaa hal kullan ku soo bilowday Chelsea 7 kulan ee ugu horeysay xilli ciyaareedka ka hor inta aan la ceyrin tababare Thomas Tuchel laguna bedelin Graham Potter.
Pulisic waxa uu bedel ku soo galay qeybtii labaad ee ciyaarta oo laciyaareysay Salzburg 1-1 ku dhamaatay tartanka Champions League.
Ka dib waqti xun oo uu ku hoos ciyaarayay Tuchel, Pulisic wuxuu u arkaa imaanshaha tababarihii hore ee Brighton ee Potter fursad uu ku bilaabo xirfadiisa Stamford Bridge.
"Waxaan dareemayaa wanaag in aan dib u soo laabto qaab ciyaareedkeyga fiicnaay, daacadnimo," ayuu u sheegay suxufiyiinta ka dib markii USA ay 0-0 la gashay Saudi Arabia Talaadadii.
"Hadda waxaan leeyahay bilow cusub, waana ku faraxsanahay inaan u ciyaaro tababaraha cusub ee Potter, sidaas darteed kaliya waxaan isha ku hayaa inaan is muujiyo, sida qof kastaa sameeyo, iyo sidii aan horayba u sameeyay."
Ciyaaryahankii hore ee Borussia Dortmund ayaan u muuqan mid ku faraxsan go'aanka tababaraha USA ee Gregg Berhalter ee ah inuu ka reebo xulka, laakiin ugu dambeyntii wuu ku faraxsanaa inuu dhiso taam ahaanshihiisa.
"Waxaan mar walba rabaa inaan ciyaaro," Pulisic ayaa yiri isagoo ka hadlaya falcelintiisii markii la bedelay.
"Waxa aan isku dayayay in aan goolal dhaliyo oo aan isku dayay in aan ciyaarta guulaysto,laakin waxa fiican in aan helo daqiiqado waxana aan dareemayaa taamahaansho".
USA ayaa ku guuldareysatay inay wax goal ah ka dhaliso labada kulan ee saaxiibtinimo u dambaysay, iyagoo sidoo kale guuldaro 2-0 ah kasoo gaartay Japan, Pulisic ayaana qirtay in xulkiisa ay tahay inay horumariyaan dhanka weerarka.
"Waxaa jira qaabab badan oo kala duwan oo goolal loo dhalin karo, waxaana filayaa inay jiraan waqtiyo aan karoosyo badan gelin karno xerada ganaaxa," ayuu yiri.
"Waxaan noqon karnaa kuwo aad u dagaal badan oo aan ka caajisin inaan horay u socono.
Post a Comment